يسوع فى قلبى
اهلا بيك فى منتديات يسوع فى قلبى
ولكن هذة الرسالة تفيد باأنك غير مسجل بالمنتدى
ان كنت تريد المشاركة فقوم بالذهاب الى التسجيل
وان أردت قراءة المواضيع فقط فاأذهب الى القسم الذى ترغبه
يسوع فى قلبى
اهلا بيك فى منتديات يسوع فى قلبى
ولكن هذة الرسالة تفيد باأنك غير مسجل بالمنتدى
ان كنت تريد المشاركة فقوم بالذهاب الى التسجيل
وان أردت قراءة المواضيع فقط فاأذهب الى القسم الذى ترغبه
يسوع فى قلبى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

يسوع فى قلبى

منتدى يسوع في قلبي يوجد فيه كل مايخص الدين المسيحي ... شبابيات مسيحية، والقسم الروحي، والكتاب المقدس، وأفلام، وسير القديسين.
 
الرئيسيةالبوابةأحدث الصورالتسجيلدخول

 

 ياريتنى اموت من تانى

اذهب الى الأسفل 
كاتب الموضوعرسالة
Coptic girl
Admin
Coptic girl


ياريتنى اموت من تانى Azm20213
المساهمات : 3464
نقاط : 8143
السٌّمعَة : 3
تاريخ التسجيل : 06/08/2012
انثى

ياريتنى اموت من تانى Empty
مُساهمةموضوع: ياريتنى اموت من تانى   ياريتنى اموت من تانى Puce-pالجمعة يونيو 13, 2014 9:21 am

ياريتنى أموت من تانى!!










للأب القمص أفرايم الانبا بيشوى



كنت أتمنى فى يوم اموت وارتاح،


يمكن اشوف هناك افراح،


وفى يوم لقيت نفسى ميت!


وحاطينه فى تابوت!


وجسمى فى هدوم بيضاء،


وعليه حطين عطور وستور،


وحواليا شامم ريحة بخور.


وناس حواليا بتترحم .


وناس تتنحم،


وعايزينى أدفن ويرتاحوا.


وواحد سمعته بيقول:


اللى يموت يرتاح،


هو الدنيا فيها أيه أفراح؟.


واللى يقول دى موته مرتاحه،


لا تعب ولا مرض،


وفى حياته عاش فى الراحه.


ولا ساب عيل وراه يبكى ويتحصر.


ولا يوم من الظلم يتعسر.


وانا سامع وروحى حيه،


وبترفرف وتطير،


وكلى عيون شايفه ،


وخفايا ووجوه الناس عارفه،


وتقول يا ناس سيبونى فى حالى،


دا لسه شايف الراحه،


وبديت بجد الفرحه،


دا زمانكم أغبر وهباب،


وزمن كداب،


اللى باسم الدين بيتاجر،


والفاجر،


واللى من الظلم يهاجر،


واللى يهاجم دار جاره


ويقول كافر.


دا زمن سيطرة الاخوان.


اللقمة نأكلها بالمر.


والميه فى الحنفية بتضر.


والكلام بيتحدف زى الرصاص،


بدون ذوق ولا احساس.


والكهرباء مقطوعه،


وفى عز الحر.


ونسمع يوميا أخبار وحشه:


اللى على الفيس بوك يعك،


وكمان فى التويتر بيقولوا


تغريده عن حاجه فريده


بتذيد الدنيا كام تعقيده.


والاخبار كدابه والتلفزيون ممل بيعل.


ولا زحمة الشوارع والمواصلات.


والزباله جايبه امراض وآفات.


والبلطجه على ودنك


فى الشارع وحتى فى المستشفيات،


وكل يوم خناقة وخناقة.


وسواطير ورؤوس بتطير.


وصوت طلقات.


ولو خناقة فيها مسلم ومسيحى،


حتى لو على قميص تعيس


أتحرق من مكوه وبدون قصد!


دى مش هتكون خناقة بمطوه،


دا بيوت تتنهب وتتدمر،


وناس من بلادها تتهجر،


والفاضى يعمل شيخ وقاضى.


أنا متت وارتحت يا ابوى!


من جور السلطان،


ومن عدم القانون والاحزان،


ومن عدم الامان.


يالله بقى فى التربه وارونى


وبالتراب غطونى


وانا روحى على السماء رايحه،


بقت تسبح لله فرحانه،


وداخله للنور وكانه هناك قصور،


وزهور وملايكه وعطور،


واصوات بتقول قدوس قدوس ..


جه ملاك وهمس فى ودانى،


ارجع من تانى،


لفين قلتله بالهمس!


قالى انت مش دلوقتى المطلوب،


ارجع للجسد وتوب،


خليك شويه على الارض مصلوب،


ملقيتش حيله ولا وسيله .


ورجعت لقيت جسدى فى التابوت،


بينبض وبينهض ويقوم


وكانه صاحى من النوم.


وزعلت بجد هعيش من تانى.


ولقيت الناس بتقدملى تهانى.


على ايه؟


مهما مش عارفين!


اكد ايه فوق الناس،


فى فرح عايشين،


ياه ... هاعيش تانى!


يالله يمكن تتعدل .


واحوال بلادنا تتبدل.


ونتوب ونعرف ازاى،


نسعد حزانى القلوب،


ونرجع للنور،


ونسبح من غير فتور.
الرجوع الى أعلى الصفحة اذهب الى الأسفل
https://jesus.forumpalestine.com
 
ياريتنى اموت من تانى
الرجوع الى أعلى الصفحة 
صفحة 1 من اصل 1
 مواضيع مماثلة
-
» اللى عاوز يرجع يشارك فى المنتدى من تانى
» الآلاف أمام "مصطفى محمود" يهتفون "يا إخوانى أنت حزب وطنى تانى"

صلاحيات هذا المنتدى:لاتستطيع الرد على المواضيع في هذا المنتدى
يسوع فى قلبى :: ساحة الاعضاء :: اقوال الاباء-
انتقل الى: