جه الوقت انك ترجع لربنا؟؟؟؟؟؟؟؟

[center]اوف
مالك
معرفش مالي مخنوق حاسس حاجة ناقصاني معرفش هي ايه
طب وتفتكر ده سببه ايه او ايه الحل
حاسس ان انا تايه مش عارف حاجة ولا قادر افكر
دور على حد يسمعك فضفض لحد
دورت كتير. لحد دلوقت بدور.نفسي حد يحبني
طب ماتجرب تحب او تصاحب اكيد في حد كويس ينفعك
اه في ناس كتير بس مش لاقي حد مناسب دايما في حاجة ناقصاهم بحس ان مش ده الي محتاجه واما بطمن لحد بطلع مخدوع فيه
طب ايه اللي بيريحك
معرفش بس ساعات ترانيم او اغاني مش حاجة معينة
جربت طيب تحب ربنا
انت عبيط منا بحبه طبعا
ياض انت هتضحك على نفسك ما انا عارف كل حاجة
طيب طيب انا بحبه بس بالكلام بس اشعرفك اني هرتاح معاه
وهو يعني انت كنت ضامن الناس قبل كدة ما أنت ياما آمنت لناس وطلعوا خانوك ومش بيحبوك قبل كدة ولا هو بس تمشي على هواك
طيب هجرب
ماشي ياعم





يارب انا محتاجلك عشان انا تعبان يارب وحاسس بفراغ جوايا وعاوزك جنبي
عارف ان انا بعرفك لمصلحتي وياما بقول خلاص معاك وفى اقل اختبار بجري بسرعة منك
انا يارب حاسس بفراغ حاسس ان انا فاضي من جوة تعبان قوي يارب بجد محدش قادر يفهمني ولا قادر اواجه الدنيا وحدي
"تعالوا اليّ يا جميع المتعبين والثقيلي الاحمال وانا اريحكم." (متى 11:28).
فعلا يا رب انا فعلا برتاح معاك لدرجة انا بحتار ايه بيخليني ابعد عنك تاني
ساعدني يارب من الي مكتفني ده
"انا الكرمة وانتم الاغصان. الذي يثبت فيّ وانا فيه هذا يأتي بثمر كثير. لانكم بدوني لا تقدرون ان تفعلوا شيئا." (يوحنا 15:5).
طب يارب انا نفسي تبقي جنبي ساعدني ارجوك
"من ايام آبائكم حدتم عن فرائضي ولم تحفظوها. ارجعوا اليّ ارجع اليكم قال رب الجنود." (ملاخى 3:7).
يارب انا خاطي وهرجع هرجع عشان راحتي معاك وبس معاك






انا كلمت ربنا
هاه عملت ايه
ارتاحت قوي كدة حاسس ان كان جوايا عاصفة وهديت يااه
بس انا خايف لحسن ارجع تاني زي الأول
ياعم انت نسيت "لان الصدّيق يسقط سبع مرات ويقوم. اما الاشرار فيعثرون بالشر." (الأمثال 24:16).
صح.حتي لو انا تاني سبته حبه مش هيروح من قلبي ولو تهت اكيد هرجع شكرا يارب على رحمتك شكرا على احتمالك ليا واهتمامك بيا
وانت كمان جه الوقت انك ترجع لربنا واوعي تأجل