في يوم اجازة ظبت نفسك مجلجل شعرك حاطط برفان بابا واكيد سعيد جدا لان اليوم هتاخد خطيبتك واختها وتعزمهم برة .. في الميعاد المظبوط واقف تحت البيت اديتها كلكس بعد 10 ساعات نزلت وسالتك اتاخرت عليك ياحبيبي طبعا دورت وشك الناحية التانية وقلت .. لأ طبعا .. المهم اخدتها لاحسن مطعم موجود وقعدتوا تحبي تاكلي اية ياحبيبتي فوجئت انها طلبت نص الاكل الي في المطعم هي واختها وقلتلك اصل انا عملة ريجيم ومش عايز ازود عن كدة مش انا وزني نزل صح .. طبعا دورت وشك الناحية التانية .. وقلت اكيد ..
المهم الاكل وصل والتربيزة مفيش خمس دقائق والاكل اطحن .. من غير حتي ماتقولك مساء الخير المهم قامت تغسل ايديها هي واختها والمتر جالك وقالك الحساب يابية طبعا انتا قلتلة ماشي .. فتحت تبص وانتا حاسس برعب الدنيا زي ماتوقعت الفلوس الي في جيبك متجيش ربع المطلوب تعمل اية يابطل ..
برضة عشان الموضوع يكون مركز هعرض شوية حلول وانتا تقولي هتختار اية ولية ؟ نبدا
1- تستني اما تيجي وتسالها معاها فلوس ولو معاها تاخدها وتدفع وتقولها هجبهملك بكرة ؟
2- تتصل بواحد صاحبك او اخوك يجي يلحقك وتدعي ربنا ان محدش يشوفة وتتقابلوا في الحمام وتاخد منة الفلوس من غير ما حد ياخد بالة ؟
3- تسيب موبايلك الشيك في المحل او ساعتك الرولكس وتقولهم هوصل الجماعة وارجع بالفلوس ؟