يسوع فى قلبى
اهلا بيك فى منتديات يسوع فى قلبى
ولكن هذة الرسالة تفيد باأنك غير مسجل بالمنتدى
ان كنت تريد المشاركة فقوم بالذهاب الى التسجيل
وان أردت قراءة المواضيع فقط فاأذهب الى القسم الذى ترغبه
يسوع فى قلبى
اهلا بيك فى منتديات يسوع فى قلبى
ولكن هذة الرسالة تفيد باأنك غير مسجل بالمنتدى
ان كنت تريد المشاركة فقوم بالذهاب الى التسجيل
وان أردت قراءة المواضيع فقط فاأذهب الى القسم الذى ترغبه
يسوع فى قلبى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

يسوع فى قلبى

منتدى يسوع في قلبي يوجد فيه كل مايخص الدين المسيحي ... شبابيات مسيحية، والقسم الروحي، والكتاب المقدس، وأفلام، وسير القديسين.
 
الرئيسيةالبوابةأحدث الصورالتسجيلدخول

 

 معجزات الانبا كاراس حبيبى

اذهب الى الأسفل 
كاتب الموضوعرسالة
Coptic girl
Admin
Coptic girl


معجزات الانبا كاراس حبيبى Azm20213
المساهمات : 3464
نقاط : 8143
السٌّمعَة : 3
تاريخ التسجيل : 06/08/2012
انثى

معجزات الانبا كاراس حبيبى Empty
مُساهمةموضوع: معجزات الانبا كاراس حبيبى   معجزات الانبا كاراس حبيبى Puce-pالجمعة أغسطس 24, 2012 10:24 am








معجزة الانبا كاراس السائح محتاجة فلوس والانبا كاراس هيفرجها تانى يوم

Mary Naguib at 10: 49am April 1
الانبا كاراس عمل معى معجزات تانى يوم ناديتة بجد كنت مختاجة فلوس و صليت بالليل عشان يفرجها من عندة بعد ما قرات معجزة لة و حسيت بارتياح شديد و كل شوية اقول لماما ما تقلقيش الانبا كاراس هيفرجها تانى يوم اتصلت بيا المديرة و قالت انى ربحت الموظف المثالى و لى جائزة مالية و المجد للة , اتصلت بماما و قولتلها مش انا قلتلك ما تقلقيش و لسة انا متاكدة انة هيكمل عملة معايا , بركة شفاعتة و صلاتة تكون معانا جميعا

معجزة للانبا كاراس يشفي طفل عنده 6 سنوات من تأخر لغوي و فيرس A

date Wed, Mar 11, 2009 at 3: 59 AM
من ن : أ - الهرم - جيزة
أبنى يبلغ من العمر 6 سنوات وفى كى جى 2 وكان يعانى من تأخر لغوى وايضا لم يستطع الكتابة بالقلم اطلاقًاً لوحدة وكنت قد سمعت عن الانبا كاراس السائح وشاهدت الفيلم الخاص بة والبركات التى منحها له رب المجد يسوع فقمنا ان ووالده بزيارة كنيستة الموجودة بمنطقة الفقاعى بمركز ببا - محافظة بنى سويف واخذنا بركة هذ القديس العظيم وطلبنا شفاعتة فى شفاء ابننا من هذا لان ذلك كان يتسبب لنا فى مشاكل كثيرة فى مدرسته ،وايضا كان يسبب له مشاكل نفسية ، وبعد زيارتنا لهذا القديس العظيم ببضعة ايام بدأت الدراسة ، وحدثت مشادة كلامية بينى وبين احدى المدرسات وقالت بالحرف الواحد ( انا مش همسك أيده ومش هكتبة ولازم يكتب وحده ذى باقى زملائه ) وبعد كدة انا طلبت شفاعة القديس العظيم الانبا كارس والذى استجاب على الفور ولاحظنا ذلك بوضوح على ابننا فقد تحسن فى نطق اغلبية الاحرف وتحسن فى كلامة وايضا فى كتابة بالقلم ، وايضا كل طلب نطلب فيه شفاعة القيديس العظيم يستجاب لنا ، بركة هذا القديس العظيم تكون معنا امين


Thu, Mar 12, 2009 at 1: 20 AM
من/ ن . أ - الهرم – جيزة

بعد ان ارسلت مافعلة الانبا كاراس السائح مع ابنى البالغ من العمر 6سنوات ( التحسن السريع فى الكتابة والنطق بعد زيارتنا لكنيستة ببا ) ، وكان فى اثناء كتابتى هذةالمعجزة كان يعانى من قىء شديد واسهال وضعف عام والام شديدة بالبطن وذلك دون اى اسباب معروفة ولم تفلح معه اى مسكنات او ادوية ، وكنا قد ذهبنا الى طبيبة الخاص الذى طلب منا تحاليل لشكة فى اصابتة بمرض ( التهاب الكبدى الوبائى A ) وقد كانت معظم اعراض ذلك المرض واضحة عليه ،

فطلبنا شفاعة ذلك القديس العظيمالانبا كارس والبابا كيرلس ،وفى اليوم التالى قمنا بعمل التحاليل المطلوبة .. وجاءت المفاجاة ان نتيجة التحاليل سلبية وخالية من اى شىء ،وذلك بشفاعة القديس العظيم الانبا كاراس والبابا كيرلس السادس شفاعتهم تكون معنا امين .
اشفع فينا يانبا كاراس أمام عرش رب المجد يسوع المسيح

الانبا كاراس هو بطلي

أنا ماريان و مشتركة في جروب الانبا كاراس علي الفيس بوك و قريت مسدج عن معجزة "نحن ننسي و الانبا كاراس لا ينسي" معجزة جميلة أوي و شجعتني أني أقول معجزتي مع الانبا كاريس العظيم . أنا عرفت الانبا كاراس في ثانوي تقريبا من 7 سنين كنت في أولي ثانوي و صحبتي اديتني كتاب عن حياته و قريت الكتاب مرة واحدة و مش قريته تاني و في تانيه ثانوي الامتحانات كانت صعبة أوي و جيبت مجموع و حش ( % 77 ) مش كنت هقدر ادخل الكلية اللي كنت عيزاها فصليت بأسم الانبا كاراس ان الوزير يتغير علشان اعرف ادخل الكلية و فعلا بعدها حصل تغير في الوزارة و اتغير الوزير حسين كامل بهاء الدين بعد ما كان وزير للتربية و التعليم لفترة طويلة و مش كان متوقع أنه يتغير و الوزير الجديد علشان كانت أول سنة له كانت الامتحانات كويسه كفاية علشان نقدر نعوض سنة تانية و أنا جيبت ( % 94 ) ببركة شفاعة الانبا كاراس و كان مجموعي النهائي يناسب كلية تجارة انجليزي اللي أنا كنت عيزاها بس مش كنت هقبل في عين شمس فقدمت في حلوان وكانت السنة دي بتقبل أي مجموع بشرط تكون الثانوية من مدرسة لغات و رحت أقدم و كنت سيبه الموضوع في يد ربنا أولا و الانبا كاراس ثانيا و هناك عرفت ان الكلية أن الكلية صعبة و أن في أول سنة بيصفوا اكتر من نص الدفعة فشكرت ربنا أني عرفت و مش كملت هناك و بعد كده عرفت عن جامعة بنها بالصدفة بعد ما كنت هيأس و أقدم في كلية تانية و فجأة ربنا وضع الاختيار ده قدامي و رحت قدمت فيها و كانت الكلية قفلة قبلي بنص درجة و كنت في قائمة الانتظار و صليت كتير أوي للانبا كاراس علشان لو مش قبلت كنت هقدم في طنطا و كانت هتبقي صعبة عليا في السفر بس بمساعدة ربنا و بشفاعة الانبا كاراس الدفعة مش كملت 400 فنقصوا المجموع درجة كاملة و أنا كنت من أول الناس اللي اتقبلت و من سنة أولي و في اصعب المواد اسيبها علي الانبا كاراس و كان دائما بيقف معايا فيها و اجيب تقدير حتي و صلت سنة 4 و اليوم اللي قريت فيه معجزة "نحن ننسي و الانبا كاراس لا ينسي" كان أخر يوم في الامتحانات و كنت سيبه شفاعة المادة علي الانبا كاراس و كان الامتحان صعب بس أنا حسيت أني هادئة و بحل حتي لو كانت المسائل مش بتكمل للاخر بس كنت واثقة في ربنا و شفاعة الانبا كاراس ليا و لما رجعت لقيت تعزية ربنا في الرسالة اللي فيها المعجزة و حسيت أنه بيطمني أنه مش هينساني و أن المادة في أيد يسوع بشفاعة الانبا كاراس . بركة صلاته و شفاعته تكون معنا


معجزة + نحن ننسي والانبا كاراس لاينسي +
نحن ننسى والأنبا كاراس لا ينسى

انا اكتب المعجزة في هذا اليوم الذى حدثت فيه المعجزة 24/1/2009
مع بداية امتحاناتي الترم الاول بكالوريوس تجارة عين شمس منذ اسبوعين كان احدى المواد صعب جدا عليا ومادة يصعب عليا مذاكرتها وكانت اخر مادة في الامتحانات فكتبت اسم الانبا كاراس علي ورق الشرح لهذه الماده وقلت دى مادتك يا انبا كاراس وبدأت الامتحانات في المواد الاخرى وجاء دور هذه المادة الاخيرة فنسيت انى خصصتها للانبا كاراس وكعادتى قبل كل امتحان اكتب مجموعه من اسماء القديسين في ورق صغير واختار منهم شفيع الماده وكنت معتاد ان اسحب ورقه واجد فيها اسم البابا كيرلس ولكن في هذه الماده اجد اسم الانبا كاراس فانزعجت جدا وخفت وقلت لماذا تركتنى يابابا كيرلس ولكن كنت قد نسيت جدا انى وهبتها للانبا كاراس واثناء مذاكرتى في ورق المراجهة النهائية وجدت تمرين صعب فهمه من غير ورق الشرح فرجعت الى ورق الشرح لأفهم هذا التمرين وعندما اخرجت ورق الشرح وجدت أسم الانبا كاراس على ورق الشرح فتذكرت انى كتبته في اول الامتحانات ففرحت جدا وعرفت سبب سحب الورقة التى بها اسم الانبا كاراس وعرفت ان البابا كيرلس لم يتركنى ولكنى انا الذى دعيت الأنبا كاراس لهذه الماده . فليتمجد اسم الرب وبركة صلوات الانبا كاراس والبابا كيرلس ومارمينا تكون معانا جميعا امين .
الرجوع الى أعلى الصفحة اذهب الى الأسفل
https://jesus.forumpalestine.com
 
معجزات الانبا كاراس حبيبى
الرجوع الى أعلى الصفحة 
صفحة 1 من اصل 1
 مواضيع مماثلة
-
» كنيســـه الانبا كاراس بدير الانبا شنودة
» معجزة للبابا & الانبا كاراس
»  الانبا كاراس السائح إضافة رد
» معجزة للانبا كاراس ( انقاذ من ذبحة صدرية وضيق في الشريان التاجي بزيت انبا كاراس)
» موضوع متكامل عن حياة الانبا كاراس

صلاحيات هذا المنتدى:لاتستطيع الرد على المواضيع في هذا المنتدى
يسوع فى قلبى :: ساحة الاعضاء :: منتدى معجزات القديسين والشهداء-
انتقل الى: