احذر خطر الموت

فى حاجة مهمة جدااااا وتعتبر اهم حاجة فى حياة الإنسان كلها واحنا مش واخدين بالنا منها هى الموت .

طبعاً كلنا عارفين إنى فى يوم هيجى وساعة ميعرفهاش غير ربنا، والإنسان هيموت فيها ويقف يقدم حساب قدام ربنا قضى حياته إزاى استغل وزناته ولا لأ -قدم توبة حقيقية قبل ما يموت ولأ.
الأم ايرينى كانت دايماً تصلى وتطلب من ربنا انه يديها توبة حقيقية قبل ما تموت-فلازم احنا كمان نطلب من ربنا يدينا حياة التوبة الحقيقية لأنه هو اللى قال اى طلب تطلبوه حسب مشيئتى انا هحققه-وقال كمان كل ماطلبتم من الأب بأسمى فأياه اعطيكم وقال كمان اسألوا تعطوا -اطلبوا تجدوا-اقرعوا يفتح لكم.(إن لم تتوبوا فجميعكم كذلك تهلكون).

كل مهمة الشيطان انه يشغله عن ابديته وعن انه فى يوم لازم هيجى وكل إنسان هيموت فيه ويقف امام عرش رنبا يقدم حساب عن حياته.

احد القديسين قال الشيطان عايز يشغل الناس يعمل ايه -قال الشيطان نعملهم التلفزيون وبعدين مش كفاية وكمان نعملهم الدش وبعدين كمان النت وبكدة نشغل الإنسان عن حياته الإبدية وعن الهدف اللى اساساً ربنا خلقه من اجله!!! (انه يكون صورته هنا على الأرض ويشهدله بعدين يروح عنه فى السما).

فى احد القديسين قال مفيش حاجة تعطل مشيئة الله فى حياة الإنسان غير عدم الصلاة،ومشيئة الله ان الجميع يخلصون وإلى معرفة الحق يقبلون.

وقال قداسة البابا كيرلس السادس ان الصلاة قادرة على فعل كل شى لأنها تحرك اليد التى تدير الكون كله.

فشغلانه الشيطان الأساسية هى شغل الإنسان عن حياته الابدية وعن صلاته حتى ولو كان بالدخول على المنتديات المسيحية او الجروبات المسيحية او غيره-الحاجات دى مش غلك لكن لما تكون السبب ان الواحد يسيب صلاته او يكروتها يبقى هتوصل لأكبر غلط-لأن احد القديسين قال(سيدنا الأنبا مكاريوس) ان الصلاة سور نار حوالين الإنسان-وإنى الإنسان اللى يكسل مرة واحدة عن صلاته يأما الشياطين تفتك بيه يأما يدخل فى برودة روحية ومن الصعب انه يرجع يصلى بحرارة زى الأول .

عشان كدة الواحد لازم ميخليش اى حاجة تشغله عن ربنا وصلاته وقرايته للكتاب المقدس حتى ولو كانت خدمته لأنه من غير الصلاة وقراية الكتاب المقدس خدمة الإنسان عمرها ما هتنجح وهيبقى متكل على ذاته.

قصة حقيقية تدل على مقدار قوة الصلاة

مرة تاجر دهب كان بيسافر من بلد من بلد عشان يتاجر وكان زمان مفيش فنادق عشان المسافر ينزل فيها فكان معاه خيمة بينصبها فى المكان اللى بيروحه وينام فيها -وكان مجموعة من الصوص بتراقبه وعايزة تسرق الدهب اللى معاه -ففى يوم باليل قرروا انهم يسرقوه الليلية دى واستنوا لغاية مينام وقربوا من الخيمة وفجأة لقيوا سور كبير وعالى حوط بالخيمة من كل ناحية -فقالوا خلاص احنا نجيله بكرة ونسرقه وتانى يوم اتكرر نفس اللى حصل فى اليوم اللى قبله ولقيوا سور كبير وعالى حوط بالخيمة من كل ناحية برضوا ميأسوش وجولوا اليوم اللى بعده وفى يوم لقيوا السور نفسه بس فيه بعض الشروخ-فأستنوا لغاية الصبح وبعدين كلموا التاجر وقالوا ليه الصراحةاحنا حرامية وكنا عايزين نسرقك وبعدين كل ما نيجى نسرقك نلاقى سور عالى وكبير بيحوط الخيمة اللى انت فيها -احنا خلاص مش هنسرقك بس تقلنا سر السور الللى بيحوط بيك كل ليلة ده وليه الليلية اللى فاتت لقينا السور ده فيه بعض الشروخ.
قال التاجر:انا كل ليلة قبل ما انام اقعد اصلى بحرارة لكن امبارح كنت مُجهد شوية عشان كدة مصليتش زى كل ليلة زى مبصلى عشان كدة السور كان فيه بعض الشروخ-وكان التاجر سبب توبة للحرامية اللى جايين يسرقوه......

قال احد القديسين انى اللى مبيصليش يشبه حوش عمال يتملى بالزبالة لأنه ملهوش سور محاوط بيه.



قصة حقيقية تدل على مقدار قوة قراية الكتاب المقدس

كان زمان فى إنسان اعمى وكان كل ما يمشى بين الناس يمسك فى ايده سِراج او مصباح يعنى فوقفه واحد من الناس الماشين وقاله:ياعم فلان انت مبتشفوش صح ؟قاله صح قاله الراجل اللى وقفه خالص يعنى ولا حتى بسيط؟ قاله الراجل الاعمى لا يبنى مابشفوش خالص -رد عليه الراجل اللى بيسأله امال ليه ماسك السِراج ده فى ايدك؟
رد عليه وقاله انا مش شايف نور المصباح اللى ماسكه لكن الناس شيفاة فيبعدوا عنى وميخبطوش فيا انا وماشى،كدة برضوا كلمة ربنا(كلام الكتاب المقدس)يمكن احنا مش فاهمين اللى بنقراه او مش عارفين قيمته لكن الشياطين عارفين قيمته وبترتعب وتهرب منه.

مرة كمان راح اب راهب جديد لراهب شيخ وقاله انا مش فاهم اللى بقراه فى الكتاب المقدس قاله خد القفه اللى على باب قلايتى دى واملاها مايه راح الاب الراهب الجديد فى طاعة عشان يملاها ماية وطبعا القفة لا يمكن هتتملى بالمايه لأنها مليانة ثقوب فراح وحط فيها مايه وطبعاً المايه قعدت تنزل من الثقوب دى وراح لأب الشيخ وقاله القفة لا يمكن تفضل فيها المايه.
رد عليه الاب الشيخ وقاله: صح القفه مفضلتش فيها الميه لكن انت شفت القفة كانت ازاى مش نضيفة فى الاول وبعدين بقيت ازاى نضيفة -كدا انت بالظبط حتى لو مفهمتش الكلام اللى بتقراه لكن كلمة ربنا بتغسلك وتنقيك ، وده كلام السيد المسيح نفسه ليه كل المجد:من الأن انتم انقياء بسسب الكلام الذى كلمتكم به.

فعلاً الشيطان بيوقع الناس كتير ويحاربهم وخصوصاً الشباب لكن لازم الانسان مييأسش
مهما كانت خطيته لأن إلى الابد رحمته ولأنه لا تشمتى بى يا عدوتى لأنى وإن سقطت اقوم وإن فرشت فى الهاوية فالر نور لى .فكل ما الانسان يقوم ويصلى ويجاهد حتى بعد وقوعه فى الخطية مباشرة ربنا بيحبله ده اكليل عنده
وفى قصة بتأكد كده
كان فى اب راهب كان شيطان الزنا بيحاربه وكان كل يوم يوقعه فى الخطية لكن الاب الراهب مكانش ييأس وكان يرجع يصلى ويبكى بدموع لربنا لغاية ما الشيطان فى مرة ظهرلو وقاله انت مش مكسوف من نفسك تكون حالاً عامل الخطية بعدين تروح تصلى رد عليه الاب الراهب وقاله إنت بتضربنى بمرزبة وانا بضربك بمرزبة وهنشوف مين يغلب فى الاخر انت ولا رحمة ربنا -وبعد 20 سنة من حروب الشيطان ليه ظهرله تانى وقاله انا مش هحاربك تانى

لأن كل مرة انت بترجع فيها لربنا وتصلى بدموع انت بتاخد اكليل وانا مش عايز ازود اكاليلك.


منقول

تأمل بعد الموت مفيش فرصة لقداسة البابا شنودة الثالث








الأم ايرينى نفسها قالت ان السيد المسيح قال انه السيد المسيح حاطط رجل فى السماء ورجله التانية فى على الأرض

ياريت الكل ينشر الموضوع ده لأنه من يخلص نفس من الموت(موت الخطية )يخلص نفساً ويستر كثرة من الخطايا.
إذكرونا فى صلواتكم.