ليه بنحط معلقة الشاى واحنا بنصب كوباية الشاى ؟!!

ليه بنحط معلقة الشاى واحنا بنصب كوباية الشاى ؟!!

لما بتيجى تحط سائل حرارته عاليه ف كبايه ازاز السائل ده طبعا حرارته هتتنقل لجدران الكبايه من جوا
وبما ان المواد بتتمد بالحراره يبقى الطبقه الداخليه للكبايه هتتمدد
بعد كده فى احتمالين
الاول : ان الكبايه جدرانها سميكه
وبما ان الازاز ردئ التوصيل
يبقى الطبقه الداخليه هتتمدد والخارجيه لا لان الحراره لسه موصلتلهاش
ف هيحصل ساعتها الكسر
التانى : ان الكبايه جدرانها رقيقه
ف مش هيحصل الفرق ف التمدد ده ف مش هتتكسر
وصلنا للمهم بقا ايه بنحط معلقه ف الكبايه عشان متتكسرش
لما تيجى تصب المايه السخنه مع وجود المعلقه دى
المعلقه دى هتاخد جزء من حراره السائل لانها بتكون مصنوعه من موصل جيد ,, جزء الحراره ال اتفقد ده هيخلى السائل بدل مولع يبقى سخن شويه " دافى يعنى " ف بالتالى هيقلل الضرر ,, ده ميمنعش انها برضو ممكن تتكسر ف وجود المعلقه بس احتمال قليل جددااا
الدرس المستفاد لونازل تشترى طقم كبايات هات حاجه سمكها قليل ,, تعيش اكتر

منقول