يا جمالك وانتى اموره و عالفيس بوك حاطه الصوره

ظاهرة صور البنات اللى مليا الفيس بوك دى بجد مش عارفة فى ايه زى ما يكون وباء او مرض سريع الانتشار او ما شابه ذلك !!! يعنى انا بجد مش فاهمة ايه الفكرة فى كدة ؟ الاجابة المتوقعة او المعتادة : عشان صحابى يشوفونى..طب سورى يعنى بس هما صحابك دول مش بتشوفيهم وبيشوفوكى على الحقيقة يعنى صوت وصورة يعنى كمان ارخص من الفيديو كول بس


مااااااااااشى ما علينا عديها..طبعا البروفايل بتاعك اكيد فى ولاد وبيشوفو الصور دى وعادى والحياة حلوة بس ليه تدى الفرصة لواحد انو يتفرج على صورتك بالربع ساعة ويعد يدقق ويمقق ويحقق فيها ويجيبك من فوقك لتحتك ومن يمينك لشمالك ويفصصك حتة حتة يلا مهى هيصة بقى ويا عينى يا عيييييييينى


لو طلع جدع اوى بقى واخد منها كوبى عندو عالجهاز ولا عالموبايل وشوفى بقى صحابو اللى بيمسكو الموبايل و يا حركاتك يا بلوتوث يا جامد وبقدرة قادر صورتك تبقى على تليفونات الشلة كلها واللى ما يشترى يتفرج...و يسلام بقى لو فى واحد اجدع من صاحبنا الاولانى ده واخد صورك كلها وعمل بيها بروفايل تانى واتفرجى بقى عالكلام المكتوب


(الكلام ده حصل فعلا وحلينى بقى عقبال ما البروفايل المزيف ده يتقفل وطبعا متنسيش ان البروفايل بتاعك فى معظم بياناتك يعنى خلاص كدة اتعرفتى وبقت فضيحة ما يعلم بيها الا ربنا..طب وليه كل ده ؟؟ يعنى انا متاكدة انك بنت مؤدبةواهلك مقصروش معاكى يعنى يبقى ايه شكلك لما بالصدفة كد اخوكى يبقى اقف مع واحد صاحبو وماسكين تليفونات بعض وفجأة من حيث لاتدرى يلاقى صورتك على موبايل صاحبو واكيد اخوكى هيسالو تعرفها منين وصاحبو هيجابو بكل تلقائية دى واحدة صحبتى عالفيس بوك..يا فرحة بابا وماما بيكى .. لو فعلا عايزة تحطى صورتك حطيها عالميل على الاقل مش كل من هب ودب هيعمل كوبى .



انا ليا اصحابى البنات حاطين صور ليهم وانا بقولهم متزعلوش منى بس ده رايى بصراحة وانا عملت اللى عليا معاكو ونصحت وفى اللى سمع الكلام وفى اللى مسمعش وفى الاخر دى حرية شخصية و انتى اللى هتشيلى الموضوع كلو لوحدك