ازاى تلون كراسة حياتك :)

حياتك دى اكنها كراسة.... واحداثها هى رسومات مرسومة جوا الكراسة

وانت مش عليك غير انك تلونها بالالوان اللى ربنا اداهالك

: حابسطهلكم

الكراسة دى احجام .... بيختلف حجمها من شخص للتانى
فى الللى بياخد كراسة كبيره...واللى بياخدها زغيرة

وعدد صفحاتها برضة مختلفة

فى اللى بياخد كام صفحة....و فيه اللى بياخد صفحات كتيييرة
.ودة برضة راجع لاحداث حياتك

و مع الكراسة دى ... انت بتاخد الوان

الالوان دى .... هى النعم اللى ربنا بيدهالك.... سواء ان كانت مادية او معنوية
فى اللى بياخد الوان جواش.... واللى بياخد زيت .... و دوكها بياخد خشب و التانى بياخد فلوماستر

وبرضة عدد الالوان دى مختلف... .فى اللى بياخد 6 و فى بياخد 12 و فى 24 و فى 48

الخلاصة .... مفيش حد مابياخدش كراسة والوان .... لكن فى حد بيطمع فى كراسة غيره بالوانها

: غلطان حسن الاسمر .... لما غنى و ال

كتاب حياتى ياعين ماشفت زيه كتاب... الفرح فيه سطرين ... و الباقى كله عذاب

!!!! لان ماحدش بياخد كل الوانه لون واحد بس و هو الاسود
!!!!احنا اللى بنسىء استخدام الالوان و بنستسهل اللجوء للاسود
الخلاصة.......هى انك تحب كراستك ... ورسوماتها
حب الوانك واعرف انك لو واخد الوان خشب ... هى دى الخامة اللى هتستحملها كراستك

ولو واخد الوان زيت ... برضة هى دى اللى مناسبة لتلوين احداثك

الحاجة الوحيدة اللى بايدك ... استخدامك للالوان
حاول تلون حياتك بكل الالوان اللى معاك
حاول تحس قيمة كل لون من اللى وياك
ولو واجهتك صفحة احزان ... ماتختارش الاسود و تستثناه من الالوان
جرب و حاول حتى الاحزان ... تخليها بالالوان

موضوع جميل وكلام مميز ومعقول

بس معايا ولا الهوى انتى عارفة الكلام مبيجبش معايا نتيجة .. انا 90% من كراستى اسووووووووود