حبيت ياناس واحدة

حبيت ياناس واحده
معرفش حاجه عنها
ولا اسم حضرتها
ولا حتي عنوانها
دايما بشوفها كتير
قاعده لوحديها
سرحانه طول الوقت
ولا حد حواليها
من نظرتي الاولى
بصراحة خطفتني
علشان دي اول بنت
حسيتها شدتني
وفي يوم من الأيام
قررت اصارحها
قررت افاتحها
قررت اشوف عن قرب
تفاصيل ملامحها
قربت منها وقولت
انا لازم اتصرف
وبدأت اقول ليها
بيكي ممكن اتعرف !!
فقالتلي راح تندم
زي اللي حبوني
وقالتلي كم كلمة
جارحين ووجعوني
قولتلها مش فاهمك
فلقتها بتدمع
قافلالي شفايفها
ساكته مابتجمع
قولتلها طب قومي
نمشي ونتكلم
مسكت ف رجليها
وقالتلي هتألم
قولتلها مال رجلك
مشروخه مكسورة !!
ولا انتي مش حابه
تتشافي في الصورة
ردت بكل هدوء
قوم ياللا وانساني
من غير ماقول اسباب
شوفلك حبيب تاني
قولتلها مال صوتك
نبراته موجوعة !!
ماسكالي ليه رجلك !!
مالقعدة مجزوعة ؟!
راحت شالت ثوبها
فلقتها مقطوعه

مايكل سامي

ربنا يقويها

نورت التوبك يابيسو