يسوع فى قلبى
اهلا بيك فى منتديات يسوع فى قلبى
ولكن هذة الرسالة تفيد باأنك غير مسجل بالمنتدى
ان كنت تريد المشاركة فقوم بالذهاب الى التسجيل
وان أردت قراءة المواضيع فقط فاأذهب الى القسم الذى ترغبه
يسوع فى قلبى
اهلا بيك فى منتديات يسوع فى قلبى
ولكن هذة الرسالة تفيد باأنك غير مسجل بالمنتدى
ان كنت تريد المشاركة فقوم بالذهاب الى التسجيل
وان أردت قراءة المواضيع فقط فاأذهب الى القسم الذى ترغبه
يسوع فى قلبى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

يسوع فى قلبى

منتدى يسوع في قلبي يوجد فيه كل مايخص الدين المسيحي ... شبابيات مسيحية، والقسم الروحي، والكتاب المقدس، وأفلام، وسير القديسين.
 
الرئيسيةالبوابةأحدث الصورالتسجيلدخول

 

 هل روحك محتاجة صيانة ؟

اذهب الى الأسفل 
كاتب الموضوعرسالة
Coptic girl
Admin
Coptic girl


هل روحك محتاجة صيانة ؟ Azm20213
المساهمات : 3464
نقاط : 8143
السٌّمعَة : 3
تاريخ التسجيل : 06/08/2012
انثى

هل روحك محتاجة صيانة ؟ Empty
مُساهمةموضوع: هل روحك محتاجة صيانة ؟   هل روحك محتاجة صيانة ؟ Puce-pالجمعة يونيو 20, 2014 11:11 am



هل روحك محتاجة صيانة ؟


مسئوليتنا إن إحنا نحط بنزين كل يوم و إذا ما عملناش كده، إحنا بنخاطر و نعطى فرصة لإبليس علشان يهاجمناوكمان ممكن موتور حياتنا الروحية يبوظ .

مينا كان عنده 18 سنة و عشان برضه متأخر عن المدرسة جرى ينط في العربية بتاعته راح رازع الباب، حط المفتاح في الكونتاكت و دوّره َجامد . الموتور زرجن كذا مرة و كان عمال يكحكح و يبقبق و أخيراً الموتور دار . مينا قال لنفسه يظهر إن العربية مزرجنة النهارده الصبح شوية زيادة و ده أكيد من الجو الساقع زائد إن العربية دي قديمة .


مينا جاب الدبرياج على الراجع و إتجه ناحية الطريق و نسي يبص على صندوق البوسطة . جاب الدبرياج بعنف على الأول و داس على البدال و طلع زى الرعد على الشارع . و هو بيبص من مراية الجنب بص لقى دخان أبيض طالع من الشكمان .


قال مينا في نفسه يظهر إن الدنيا برد أكثر ما أنا كنت حاسس .


و بص على مؤشر السرعة علشان يتأكد إنه مكانش ماشى على سرعة كبيرة و لقى نفسه ماشى على خمسة و أربعين كيلو في الساعة – فحس إن كده كويس بس فكر إنه أحسن برضه إنه يبطأ شوية لأنه لسه واخد الرخصة بتاعته و مايقدرش يدفع غرامة لآن باباه كمان ممكن يزعق له .


فجأة، اللمبة الحمرا اللي جنب مؤشر السرعة ولعت ويظهر إنها لمبة الزبت . آااخ الأسبوع اللي فات كان أول مرة تولع و تطفي على طول و من يومها وهو بينسى كل يوم يحط زيت . وامبارح باباه كان مصمم إنه ياخد باله من العربية يا إما النتيجة مش هتكون حلوة . مينا وعد إنه ياخد باله منها بعد المدرسة .


و فكر مينا أنا مقدرش أقف دلوقتي كده حتأخر أكتر .


مينا ضغط بعنف على زرار الستريو الجديد علشان يشغله . بعد وقت قصير السماعات بدأت تسخن و كل العربية كانت بتترج من الموسيقى الصاخبة اللي كان مشغلها . مينا كان قاعد يطبل على عجلة الدركسيون بإيديه الإثنين و بيغني مع الستريو .


الستريو كان بيتهز أكثر من أي يوم و الطريق كان بيهزه أكثر و مينا كان مبسوط و مبتسم بافتخار .


لما رجع يبص في المراية بص لقى إن الشكمان لسه بيطلع دخان . مينا بص على مقياس الحرارة و أدرك إن العربية سخنة جدا – سخنة بزيادة . وبص لقى عداد السرعة بيهبط بسرعة . داس على البدال و مفيش حاجة حصلت . قفل الستريو لكن الموتور مكانش فيه صوت . مسك المفاتيح و دور الكونتاكت ولكن كل السعادة اللي كان فيها راحت . العربية بتاعته عطلت .


ولما العربية إتزحلقت لغاية ما وقفت بعد التقاطع، حس مينا بغثيان شديد لأنه عرف إيه اللي حصل . الموتور وقف لأن مفيش زيت .


مينا تمتم : " أنا حرقتها، بابا مش حيخليني أسوق تاني"


فيه حاجات كتير محتاجة صيانة دورية؛ العربيات، السكاتر، الكمبيوتر و الجنينة اللي ورا البيت، أسناننا .. حياتنا الروحية .


ده صحيح، حياتنا الروحية محتاجة صيانة دورية برضه . وكمان إيماننا ما نقدرش نحطه على جنب . دي مسئوليتنا إن إحنا نحط له بنزين كل يوم و إذا ما عملناش كده، إحنا بنخاطر و نعطى فرصة لإبليس علشان يهاجمنا – و كمان ممكن موتور حياتنا الروحية يبوظ .


أكثرنا سمع الحكاية القديمة اللي بتقول إن كان فيه صديق أصبح مسيحي حقيقي في اجتماع شباب وبعدين في خلال أسبوع رجع لأسلوب حياته القديم كأن شيئا لم يكن . النوع ده من الناس بيفتكروا إنهم إذا قبلوا يسوع كرب و كمخلص تكون كده ديونه اتدفعت و المحطة الجاية هي الأبدية .


حقيقي، لما الشخص يبقى ملتزم بصدق، المسيح بييجي و يدخل قلبه و بينظفه من الشرور و بيغير حياته . لكن الحاجة اللي بينساها بعض الشباب هي إن مسئولية كل مسيحي أنه ينمى إيمانه .


ده معناه ..


.. نخرج من الحياة الروحية النائمة و نضع أرجلنا في طريق إيماننا ( يع 1: 22وَلَكِنْ كُونُوا عَامِلِينَ بِالْكَلِمَةِ، لاَ سَامِعِينَ فَقَطْ خَادِعِينَ نُفُوسَكُمْ )


.. و نكافح كل يوم عشان نعيش بقوة ربنا القديرة ( أفسس 1: 17- 23 17كَيْ يُعْطِيَكُمْ إِلَهُ رَبِّنَا يَسُوعَ المَسِيحِ، أَبُو الْمَجْدِ، رُوحَ الْحِكْمَةِ وَالإِعْلاَنِ فِي مَعْرِفَتِهِ، 18مُسْتَنِيرَةً عُيُونُ أَذْهَانِكُمْ، لِتَعْلَمُوا مَا هُوَ رَجَاءُ دَعْوَتِهِ، وَمَا هُوَ غِنَى مَجْدِ مِيرَاثِهِ فِي الْقِدِّيسِينَ، 19وَمَا هِيَ عَظَمَةُ قُدْرَتِهِ الْفَائِقَةُ نَحْوَنَا نَحْنُ الْمُؤْمِنِينَ، حَسَبَ عَمَلِ شِدَّةِ قُوَّتِهِ 20الَّذِي عَمِلَهُ فِي الْمَسِيحِ، إِذْ أَقَامَهُ مِنَ الأَمْوَاتِ، وَأَجْلَسَهُ عَنْ يَمِينِهِ فِي السَّمَاوِيَّاتِ، 21فَوْقَ كُلِّ رِيَاسَةٍ وَسُلْطَانٍ وَقُوَّةٍ وَسِيَادَةٍ، وَكُلِّ اسْمٍ يُسَمَّى لَيْسَ فِي هَذَا الدَّهْرِ فَقَطْ بَلْ فِي الْمُسْتَقْبَلِ أَيْضاً، 22وَأَخْضَعَ كُلَّ شَيْءٍ تَحْتَ قَدَمَيْهِ، وَإِيَّاهُ جَعَلَ رَأْساً فَوْقَ كُلِّ شَيْءٍ لِلْكَنِيسَةِ، 23الَّتِي هِيَ جَسَدُهُ، مِلْءُ الَّذِي يَمْلأُ الْكُلَّ فِي الْكُلِّ . )


.. , ندي الرب الفرصة عشان يساعدنا عشان نخرج من داخلنا طبعنا القديم، اللي مليان بالخطية ويبنى جوانا الطبع الجديد، الروحي الصلب، اللي مع الوقت بيبقى فيه صورة المسيح . ( فيلبى 3: 17-21 )



كُونُوا مُتَمَثِّلِينَ بِي مَعاً أَيُّهَا الإِخْوَةُ، وَلاَحِظُوا الَّذِينَ يَسِيرُونَ هَكَذَا كَمَا نَحْنُ عِنْدَكُمْ قُدْوَةٌ . 18لأَنَّ كَثِيرِينَ يَسِيرُونَ مِمَّنْ كُنْتُ أَذْكُرُهُمْ لَكُمْ مِرَاراً، وَالآنَ أَذْكُرُهُمْ أَيْضاً بَاكِياً، وَهُمْ أَعْدَاءُ صَلِيبِ الْمَسِيحِ، 19الَّذِينَ نِهَايَتُهُمُ الْهَلاَكُ، الَّذِينَ إِلَهُهُمْ بَطْنُهُمْ وَمَجْدُهُمْ فِي خِزْيِهِمِ، الَّذِينَ يَفْتَكِرُونَ فِي الأَرْضِيَّاتِ . 20فَإِنَّ سِيرَتَنَا نَحْنُ هِيَ فِي السَّمَاوَاتِ، الَّتِي مِنْهَا أَيْضاً نَنْتَظِرُ مُخَلِّصاً هُوَ الرَّبُّ يَسُوعُ الْمَسِيحُ، 21الَّذِي سَيُغَيِّرُ شَكْلَ جَسَدِ تَوَاضُعِنَا لِيَكُونَ عَلَى صُورَةِ جَسَدِ مَجْدِهِ، بِحَسَبِ عَمَلِ اسْتِطَاعَتِهِ أَنْ يُخْضِعَ لِنَفْسِهِ كُلَّ شَيْءٍ .




إمتلىء بالوقود


الناس اللي مش بتعمل مجهود عشان تكبر في المسيح بيبقوا عموما متوقعين الحياة الأبدية؛ وهم مش عايزين يعطوا شيء مقابل كده . هم عايشين بالبنزين بتاعهم، مش بالبنزين اللي بيديه ربنا – و في الآخر مش بيفضل لهم حاجة . " يوحنا 15: 6 إِنْ كَانَ أَحَدٌ لاَ يَثْبُتُ فِيَّ يُطْرَحُ خَارِجًا كَالْغُصْنِ، فَيَجِفُّ وَيَجْمَعُونَهُ وَيَطْرَحُونَهُ فِي النَّارِ، فَيَحْتَرِقُ . "


لازم تشوف المكافآت اللي بناخدها لما بنملا بنزين كل يوم : " إِنْ ثَبَتُّمْ فِيَّ وَثَبَتَ كَلاَمِي فِيكُمْ تَطْلُبُونَ مَا تُرِيدُونَ فَيَكُونُ لَكُمْ . بِهذَا يَتَمَجَّدُ أَبِي : أَنْ تَأْتُوا بِثَمَرٍ كَثِيرٍ فَتَكُونُونَ تَلاَمِيذِي . ( يوحنا 15: 7 – 8 )
منقول

الرجوع الى أعلى الصفحة اذهب الى الأسفل
https://jesus.forumpalestine.com
 
هل روحك محتاجة صيانة ؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
يسوع فى قلبى :: ساحة الاعضاء :: منتدى التأملات-
انتقل الى: