ذهب الاب الكاهن ليناول مريضة مصابة بشلل وفى الطريق قابله شخص لديه مشكلة حيث كان مهدد بالفصل من العمل وطلب من الاب الكاهن ان يذكرة فى صلواتة واعطاه ورقة بها اسمه
وصل الاب الكاهن الى المريضة وبعد ان ناولها قالت لابونا لى طلب اتمني ان تحققه لى فقال لها اطلبى قالت نفسى اخدم يا ابونا سكت ابونا لحظات يفكر وهو لا يعلم ماذا سيجيب عليها ولكنة رفع قلبة لربنا وقد ارشدة اللة بهذة الاجابة اخرج ورقة صاحب المشكله واعطاها لها وقال صلى للاسم دى علشان عندة مشكلة صعبة فى عمله.
فرحت هذة المريضة بهذة الخدمة الجديدة بعد فترة ذهب ابونا ليناولها وبعد المناولة قالت لابونا اخبار فلان اية قال لها من فلان دى فالت صاحب المشكلة يا ابونا تذكر ابونا فقال الحمدلله مشكلتة اتحلت فرحت السيدة وقالت لابونا ماعندكش ورق تانى فى جيبك يا ابانا اخرج الاب الكاهن من جيبة بعض الاوراق واعطاها للسيدة وتمر الايام ويذهب الاب الكاهن لافتقاد السيدة المريضة وسالها اخبار الخدمة اية؟؟
قالت لة الورق اللى قدسك بتعطهولى مش كفاية . عندى وقت كبير عايزة استفيد بية قال لها ابونا انت بتقرى الاهرام كل يوم ؟؟ قالت لة ايوة قال لها اية رايك ؟
لومسكت صفحة الوفيات وتصلى للمنتقلين علشان ربنا ينيحهم وتصلى لاسرهم علشان ربنا يعزيهم فرحت السيدة وقالت لابونا فكرة حلوة وبعد فترة ذهب الاب الكاهن لزيارة المريضة وسالها عن خدمتها قالت لة نشكر ربنا يا ابي بصلى ذي ما قدسك قلت لى للمنتقلين واسرهم ولما لاقيت عندى وقت بقيت اصلى للاسماء كلها مسيحين ومسلمين
احبائي الخدمة ليس لها شكل محدد وليس لها حدود
اللة ينظر الى القلب قبل ان ينظر الى العمل
نحن جميعا مدعون الى ان يكون لنا عمل وخدمة نمجد بها الله
موضوع: خدمة بلا حدود 
الإثنين يونيو 09, 2014 10:59 am
