على ساعة الحيط

انا ناوي اروح بكرة القداس
علشان محتاج اني اتناول
هجري واتزق مابين الناس
مش هيأس ابدا وهحاول
هصحى من النجمة واقوم نازل
مانا لازم اروح يوم العطلة
مش هيهمني حال الارصاد
اذا كان حر واذا كان مطرة
يعني اروح ست ايام شغلي
والسابع ابخله علي ربي
كده يبقي ابويا بجد صحيح
كان مشغول معرفش يربي
وادي منبهي مظبوط بالظبط
على سته الصبح يقوم رانن
اياك تتاخر في الرنه
وبقولك اهو وخليك فاهم
تريرن تريرن تن تن تن تن
تريرن تريرن تن تن تن تن
بطمطع بالصدفة وبصيت
على ساعة الحيط
ياخبر ابيض الساعه اتنين
ازاي ميرنش دانا ظابطة
وجربته بإيدي ورنيته
يعني اسمعها الصبح لشغلي !!
ومسمعهاش وانا رايح بيته
وادي الاثبات ان انا اصلا
كلامنجي في مرواح القداس
مستهتر وعديم الاحساس
انا عيل فعلا اي كلام
ازاي مصحاش !! هيجيلي جنان
لو فضل الحال ده يتكرر
ابليس عمره ماهيكون زعلان
وهلازمه في خططه وتدابيرة
وفي جهنم هنكون just جيران

مايكل سامي