دايت سهل ... هنشوف نتايج بسرعة .... من غير تعب ولا ارهااااااق

اهم حاااااااجة تعملى اللى هقولك عليه بالحرف من غير زيادة ولا نقصان بس لازم تتاكدى من 3 حاجات فى غاية الاهمية :
1- ان عندك ارااااااادة وهتكملى ومش هتسيبينا فى السكة ..
2- انك باذن لله خاليه من الامراض اللى تمنعك من اتباع نظام معين ...
3- اعرفى وزنك كااااااام بالظبط ..




فيه حاجة مهمة بقااااا لازم نواجه بيها نفسنااااا :
ايه اللى بيخلينا كل مرة بنعمل فيها داااااايت بنضعف ونبوظ الدنيااااا ؟؟؟؟
غالبا لاننا بنعمل برنامج غذائى باكل معين ... طيب افرضى الاكل دة ماكنش متوافر لاى سبب اعمل ايه ؟؟؟؟؟
ابوظ الدنيا واقول مش مشكلة ابدا من بكره بقااااااااااا .... صح مش دة اللى بيحصل ؟؟؟؟
ويوم بعد يوم بننسى اننا كنا قررنا نعمل دايت اصلاااااا ... وبنضعف واكل ماما ولا الاكل بتاع جوزك بيفتح نفسك ومن غير ما تحسى بتسيبى اكلك وتقولى طيب ما اخد لقمة صغيرة مش هيحصل حااااااااجة ... وبردو هنا ثغرة بتوقعنا ويبوظ الدايت ؟؟؟؟



ولو جينا على نفسنا وماكلناش مرة على مرة بنتعب نفسيا وبندايق ...
انتو تعرفو ايه الحكمة اننا بنحس برغبة تجاه نوعيه معينة من الاكل ؟؟؟؟؟
ببساطة لان جسمنا بيكون محتاجهااااااا ... طيب ليه نحرمه ؟؟؟


عشان كدة عاوزين نااااااكل كل حاااااااااااجة
مفيش حرماااااااااااان

بس فيه تظبيط ... وفيه اساسيات لا غنى عنها فى نظامنا اليومى

اولا :احنا اتفقنا اننا هنحسب وزننا الاول ... وبعدين نبدا الدايت ...
ومش هنوزن تااااااانى غير بعد 7 ايام ان شااااااااااء الله ... محدش يوزن قبل كدة

ثانيا : لازم يكون عندنا فى البيت باستمرار
( بيض - لبن - شاى اخضر - زبادى )
( خيار - طماطم - جزر )

بكرة ان شاء الله ( اليوم الاول )
اول ما تقومى من النوم هتشربى 4 كوبايااااااات ميه قبل اى حاجة
وهتستنى بالظبط 45 ق وبعدين :
هتاكلى ( بيضة مسلوقة + كوباية لبن )
واوعى تاكلى اى حاجة غير بعديها بساعتين حتى لو خضار او فاكهة
متستصعبيش الموضوع جسمك هياخد على كدة وهيبقى سهل علينا تثبيت الوزن ان شاء الله بعد كدة

ملحوظة هاااااامة : الدايت دة للناس اللى بتقوم بدرى بس هههههههههههههههه
والله مش هزاااااااار لان طبعا احنا عارفين ان فطار الصبح دة اللى بيظبطلى لدنيا بعد كدة
اخرك فى الفطار الساعة 10 قمتى متاخر متفطريش طبعااااااااا خلاااااااص ... ودة هياثر معاكى فى النتيجة اخر الاسبوع




فى الساعتين دول يا قلبى مش مسموحلك باى حاجة غير بكوباية شاى اخضر
وممكن قهوة او شاى لو انتى متعوده على الكافيين زى حالاتى يفضل من غير سكر لو هتحسى انك قرفانة حطى نص معلقة

ملحوظة : بحاول اظبطلك الدنيا ومقلبش حياتك راسا على عقب
عشان اهم حاجة نفسيتك

الغداااااااااااء :
ودة بالنسبة لى اخطر حااااااااجة فى الدايت دة اللى بيبوظ الدنيااااا لان بنضعف عشان الطبيخ والحاجات اللى ماما بتعملها او بنعملها عشان جوازنا وولادنا ...... بس ان شاء الله هناكل معاهم ومش هنضعف ...



مثلا احنا عارفين اننا هنتغدى على الساعة 3 مثلا قبليها
نشرب بردو 4 كوبايات ميه ونستنى 45 ق وبعدين نبدا نااااااااااكل

هنااااااااكل ايه ؟؟؟
زى ما قلنا الاكل اللى موجود فى البيت
مثلا : انتى هتعملى على الغدا صينية بطاطس بالفراخ ورز ابيض وسلطة
هتاكلى ازااااااى ؟؟
الاول لازم تتعودى على حاجة سواء انتى بتعملى دايت ولا لا
قللى سمنتك وزيتك على قد ما تقدرى عشان ولادك ...
يعنى صينية البطاطس دى انتى مش محتاجة فيها زيت ولا سمنة هيه الفرخة هتنزل سمنتها ومتنسيش تشيلى الجلد قبل ما تعمليها عشان كل دى شحوم هتسيح على البطاطس ....

خدى طبق صغير وحطى فيه حبة رز وبطاطس وطبق لوحده للسلطة ... وكلى بالهنا والشفا وهتقومى شبعانة وتشاركى ولادك اكلهم
بردو عشان منساش : الرز تغسليه كويس اوى ... عشان ينزل النشا الابيض اللى فيه
فيه ناس بتعملو من غير سمنة او زيت خااااااااالص ... ودة افضل
لكن لو حابة تحطى اوك بس قللى جداااااااااااا
يعنى مثلا لكيلو ممكن تحطى عليه نص معلقة سمنة هيستوى والله وهيبقى زى الفل متخافيش
وفيه نس بتعمله على البخار واتعودت عليه وطعمه بقا حلو بالنسبة لها بس مبدئيا بلاش نعقد نفسنا

اكلنا الوجبة بتاعتنا بالهنا والشفاااااااا



جرى روحى اعملى كوباية شاى اخضر خصوص بعد الكربوهيدرات دى ..... هتحرق كتييييييييير ان شاء الله
اعملى حسابك مفيش اكل لمدة 3 ساعات على الاقل ... لو جعتى اوى ممكن تاخدى خير او جزر او طماطم
الحاجات للى احنا اتفقنا انها هتكون من الاساسيات ان شاء الله ....

الفترة دى كلها اللى بين الغداااااا والعشاااااااااا
اشربى ميه على قد ما تقدرى .... وشاى اخضر زى م انتى عاوزة بس من غير سكر او بنص معلقة زى ما اتفقنا



قبل ما يجى ميعاد العشاااااا اكون شربت الميه بتاعتى 4 كوبايات تقريباااااااااااا واستنى 45 ق وبعدين .... هاكل زبادى ( يفضل قليلة الدسم )
وبعديها ممكن خد شاى اخضر تانى .....

بصى بقااااااااا ( انا شخصيا بستخدم شاى رويال ) تحفة بجد وعلى ضمانتى

متنسوش دة لمدة اسبوع وهنوزن نشوف ايه الخبار عشان هنغير بعد كدة تمااااااااااام
ياااااااارب مكونش نسيت حاجة ..... اللى هتبدا معايا ياريت تعرفنى عشان اتابع معاها ...
واللى عندها اى سؤال بردو يااااااااريت تقولى انا تحت امرهااااااا



فيه حاجة مهمة جداااااااااا :
بلاش حد يضحك عليكو ويقولكو دة دايت بيخسس 20 كيلو و30 كيلو والكلام دة عشان دة غلط
مفيش دايت بينزل نسبة ثابتة من الدهون لاننا ببساطة كلنا مختلفين عن بعض ... وكل واحدة معدل الحرق عندها يختلف عن التانية

بجدددددد رائع