وحشتنى يارب

وحشتنى يارب
وحشتنى يا اعظم حب
وحشنى المشى معاك فى الدرب
وحشتنى القعده معاك
وحشتنى بكل حاجة
القعده والمشى والكلام
كل حاجة وحشتنى فيك
ياااااااااااه يارب
بجد لما عشت ايام بعيد عنك
حسيت انها ايام مالهاش معنى ولا طعم
عارف يارب بجد الحياه وحشة قوى من غيرك
حسيت كانى مش مولود ولا عايش
الدنيا زحمة ومن حواليا هايصة
ولا حد بيسمعنى ولا بيسئل عليا حتى
مفيش غيرك انت اللى بتدى حياتى كيان
انت اللى بكلامك بتغرس جوايا الايمان
بتخلى لحياتى معنى كمااااااان
دايما وانا معاك عمرى ما اجوع ولا اعطش ودايما بيك شبعان
اول مرة اكلمك بعد غياب شهور
اول مرة ارجع بعد ما حياتى بقى فيها فتور
اول مرة ارجع واحس انك اصل الاصول
مش بس مجرد شوية قشور
اول مرة احس ان انت الفرع والجذور
يااااااااااااااااه ياربى
اول مرة اقولك وحشتنى بتعطش
كنت بقولها الاول بس مكانش ليها طعم
كانت مجرد كلمة مش شعور واحساس
اد اية جوايا ليك شوق وحنين
اد اية حاسس انى بحبك يارب رميت كل الانين
اد اية بكلمة وحشتنى حاسس انى فرحان مش حزين
حاسس انك واحشنى وبعيد عنك بقالى سنين
راجع بلهفة اشتياق متتوصفش
حاسس احساس ميتحسش وميتقدرش
احساسى راااااافعنى من الارض ومخلينى طايرفوق فى السماء
بصيت فى صورتك يارب بصيت فى عيونك جوا الصورة
شفت فيها دموع
شفت عليها بكا بصوت مش مسموع
شفتك بتقول تعالى وهاشفى قلبك الموجوع
شفتك بحب بتهمس ليا
بتقولى وحشتنى انت كمان يا صنعة ايديا
وحشتنى ومتعرفيش بعادك بيعمل اية فيا
ياااااااااااة ياربى
بعد بعادى الكتير دا عنك
بعد ما جرحتك ونسيتك وعنى بعدتك
بعد ما بكيت عليا عيونك
بعد ما بكل خطايايا بكل قساوة قلبى خونتك
بترد بحنية عجيبة
بتقولى يا ابنى مهما كان بعادك انت دايما من قلبى قريب
اه ياربى عندك حق
ما دى حنية عليك مش غريبة
دا حبك ليا خلاك تعمل عشانى اعمال رهيبة
من اول شيل الصليب لغيت جرح الحبيب

بس انا بعد بعاد راجع
بقولك من جوايا واحشنى يا احلى اب
وحشتنى يا اعظم حب
وحشتنى وقدامى دايما مشهد الصلب
وحشتنى ووحشنى المشى معاك فى الدرب
وكلمة من ابن بعيد عنك من شهور
واحشنى يا اعظم حلال للمشاكل ومدبر للامور