امتى بقا المصرى هيتعدل ويبطل الافكار دى

زائر

تعالو نشوف شوية افكار من بتوع المصرين

• بيفهم في الطب ويشخص المرض ويوصفلك الدوا

وبيفهم في النقاشة والكهربا وتصليح العربيات والطبيخ

والسياسة والكورة وهو أبيض ياورد

• بيحط الريموت كونترول في كيس بلاستيك كعادة فرعونية

• يقف يتكلم على الباب نص ساعة بعد إنتهاء الزيارة والسلام

• لمّا تفتح نملية المطبخ هتلاقي عنده عشرين برطمان بتاع مربى فاضي
بقالهم سنين ومازال مُصِر على جمع المزيد

• ييجي بعد معاده بساعتين ويفتكر إن ده عادي

• لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

• بيعتبر نفسه أفضل واحد في الشرا والفصال
وبعد كده يكتشف إن الحاجة في المحل اللي جنبه أرخص من غير فصال

• بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

• ممكن يعدي التلاتين ولسه عايش مع أمه وأبوه وماعندهومش مشكلة

• بيكون عنده شواية لزوم الرحلات أقصى استخدام لها كان مرة واحدة في العيد

• بيشيل طابع البريد من على الظرف لو الختم ماكانش عليه

• بيفتكر إن أي حد بيشتغل في الخليج بيغرف فلوس من غير حساب

• بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

• برده بيتخانق ساعة دفع الحساب بحرارة شديدة على إنه هو اللي لازم يدفع

• بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا

واوعوااااااااا حد ينكر
كلنااااااااااااااااااا بنعمل كدة

» امتى يصعب عليك نفسك
» كيف تنتصر على الافكار
» المواطن المصرى
» خيانة من قلب الجيش المصرى
» محمود المصرى نورت