انت سبتني وماسبتنيش
لان كل حرف قولته
في قلبي كان لازم يعيش
وكل كلامك مقويني
ومهما حصلي مايهزنيش
يعني...
اما بحس ان حياتي ضاعت هباء
واني نفسي انفجر من كتر البكاء
بجري اسمع تأمل "لاتفقد الرجاء"
واما بحس ان قلبي تعب من جواه
ونفسي اصرخ بأعلي صوت واقول أأه
لازم اسمع تأمل "حوار مع الله"
لما بحس ان حالي بقا مايل
وان مستقبلي علي وشك السقوط الـ أيل
بروح اسمع تأمل "نظرة تفاؤل"
واما احس ان حياتي مالهاش وجود
وان محبة الناس بقت شئ مفقود
بجري اسمع تأمل "ربنا موجود"
لما بحس ان الدنيا بقت أصعب
واني بخاف عالناس اصعب
اسمع تأمل "يجرح ويعصب"
لما بحس اني موجوعه من الأهات
وان قلبي مخنوق بكتيررر حاجاااات
بسمع تأمل "التجارب والضيقات"
واما بحس ان الحياة بقت خنيقه
واني بتمني الموت في كل دقيقه
بيريحني تأمل "الفرح في الضيقه"
لما بحس ان وجودي مش مرغوب
وان حياتي بقت كلها ذنوب
بجري اسمع تأمل "توبني يارب فأتوب"
واما بحس بخووف او بقلق
لازم اسمع تأمل "لاتخف لاني معك"
يعني اطمن ونام مرتاح
لأن كلامك لينا سلاح
منقول +
موضوع: اهداء للبابا شنودة 
الجمعة يونيو 06, 2014 1:19 pm
