وعجبى
البلد دى بلدى واللى اتقتل ولدى
واللى اختفت كبدى ..وعجبى
قانون ملعون وحكم مجنون
وانا اللى طلعت زبون ..وعجبى
قاضى بكل جراءة ادى الجناة براءة
وانا بليد فى القراءة ..وعجبى
وضع مقلوب وزمن معيوب وانا
على امرى مغلوب ..وعجبى
الحال محال والمهم هو الجدال
والكلمة بقت للعيال ..وعجبى
المسيحى طلع كافر وساكت وشاكر
ياالجزية يااما يهاجر ..وعجبى
كل شوية كنيسة تتهد وعلى ايدك عد
الموت والسحل بقى بجد ..وعجبى
بكرة مش جاى بتوجع من غير اى
معزوفة على الناى ..وعجبى
اضحك ولا ابكى ولا لمين احكى
يسمعنى وانا بشكى ..وعجبى
تكرة او تحب ولو طويل شب ولو
قصير تطاطى علشان تقب ..وعجبى
البلد دى بتاعتنا من الاف السنين
اتسرقت مننا واللى سرقها مين ..وعجبى
انت تخاطب قلوب سوداء وعقول بلهاء
لا ضمير لها ولا حياء .. وعجبى
امير الكلمات
14/12/2014
موضوع: كلمات وعجبى 
الأحد ديسمبر 14, 2014 1:02 am
