يسوع فى قلبى
اهلا بيك فى منتديات يسوع فى قلبى
ولكن هذة الرسالة تفيد باأنك غير مسجل بالمنتدى
ان كنت تريد المشاركة فقوم بالذهاب الى التسجيل
وان أردت قراءة المواضيع فقط فاأذهب الى القسم الذى ترغبه

يسوع فى قلبى

منتدى يسوع في قلبي يوجد فيه كل مايخص الدين المسيحي ... شبابيات مسيحية، والقسم الروحي، والكتاب المقدس، وأفلام، وسير القديسين.
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 ربنا نجانى من الجيش انا واخويا

اذهب الى الأسفل 
كاتب الموضوعرسالة
Coptic girl
Admin
avatar


المساهمات : 3464
نقاط : 8143
السٌّمعَة : 3
تاريخ التسجيل : 06/08/2012
انثى

مُساهمةموضوع: ربنا نجانى من الجيش انا واخويا   الخميس يوليو 03, 2014 6:49 pm

احنا اثنين اخوات ولاد، انا الأخ الأكبر و كنت واخد اعفاء مؤقت بما اني العائل لأسرتي و لأن ابويا فوق الستيين سنة و لغاية ما اخويا يخلص جامعته. صدقوني لو قلتلكم اني عدت ايام كتيير كتيير قوي اتمنيت لو كنت قدمت في الجيش في معادي بدل ما افضل استني اخويا و مع كل سنة كانت بتعدي كنت بحس اني متضايق عشان انا لو كنت قدمت مع دفعتي يومي اصلا كان ارجا و بعد 3 سنين كنت خدت اعفاء نهائي زي كتيير من اصحابي غير اني استنيت كتيير اخويا خلص جامعة بعد 5 سنين قعدت مستنيهم زي اللي حيتحكم عليه بالأعدام و خصوصا اني كنت بشتغل و خطبت بنت اعرفها و كبرت في السن بقيت في اواخر العشرينات و بعد كل ده مهدد اني ادخل الجيش و بسبب الخوف من دخولي الجيش و تأثيره السلبي علي كل ظروفي سواءء في الشغل او في الأرتباط او علي نفسيتي فضلت كام يوم بصحا من النوم خايف و دماغي بقيت حاسس ان كلها سواد و يأس و عرفت ان عدو الخير بيحاربني و قعدت اصلي كتير و يوم ما اخويا خلص الجامعة انا و هوه كنا فاهمين انه هو يقدم الأول و بعدين انا لكن بالصدفة و هو بيقدم ورقه في القسم اكتشف ان احنا الأثنين لازم نقدم مع بعض و نسمع نفس الأرجا مع بعض، و الموضوع ده خالاني خفت، كل الناس كانت بتقول ان بعد الثورة كل الدفعة بتدخل الجيش و اللي يحاول يخفف عليا يقوللي حيدخلوا واحد فيكم بس و في الغالب اخوك لكن انا كنت طمعان في اننا احنا الأثنين ناخد تأجيل و مع ان كل الناس قاللتلي ده مش ممكن لكن انا كنت عارف ان الغير مستطاع لدي البشر مستطاع عند الله و فعلا اقعدت اصلي و اطلب من يسوع كتيير قوي و ندرة و طلبت من العذراء مريم امي ايوه انا بحس انها امي بجد و طلبت من قديسن كتيير ( البابا كيرلس، مارمينا، مارجرجس، امنا تماف ايريني، القديس ابسخريون القليني، سانت تريز، القديسة ريتا، القديس صليب الجديد، القمص ميخائيل الطوخي ، القديس سمعان الخراز،الأنبا موسي الأسود،القديس ابو سيفين، البابا شنودة، القديسة مارينا، الأنبا يؤانس) اني لا انا و لا اخويا ندخل، و في يوم الأرجا قعدوا يقولوا التواريخ اللي خارجه بصراحة الصوت مكانش واضح و مكنتش سامع كزيس و سمعت تاريخي لا انا و لا اخويا و قعدت اصلي و اطلب القديسين و اطلب شفاعتهم و اطلب منهم يتصرفوا و ينجوني انا و اخويا و بعد ما الظابط خلص اللي التواريخ في ناس كانت عرفت تسمعه كويس و كتبت وراه التواريخ اللي واخده تأجيل و الناس اتلمت عليهم عشان يتأكدوا و انا كنت واحد منهم و لاقيت انا تاريخي انا و اخويا واخدين تأجيل لكن عدو الخير فضل مشككني في الكلام ده رحت لواحد تاني عشان اتاكد لقيت نفس الكلام و فضلت اروح لواحد تالت و رابع و خامس و سادس لغاية ما اتأكدت من اني انا و اخويا خدنا تأجيل مش عارف اقول او اوصف شعوري ساعتها لكن اللي اقدر اقوله هو شكرا ليك يارب و شكرا لكل قديسة و قديسة طلبت شفاعتهم و وقفوا معايا انا و اخويا. يمكن واحد يقول طب و ايه يعني ماهي عادي حرد عليه و اقوله لا مكانش عادي ابداا و اسال اي حد تعرفوا عن الدفعات اللي خدوها كاملة بعد الثورة علطول بدون ما يكون في اصلا ارجا و حقولوا حاجة تانية اهم من ده ياريت كل اللي يقرأ الموضوع ده يفكر فيه دايما دايما عدو الخير حيحاول يحسسك ان ربنا معملش حاجة و مساعدكش و للعلم هو حاول يعمل معايا انا كمان كده حتي النتيجة شككني فيها لكن مش عارف اوصفا ازاي لكن ولاد المسيح بيحسوا بأيده و هي بتساعدهم و بأعماله و بأعمال قديسيه اللي بتساعدنا علي اجتياز المحن و الصعاب، صدقني اطلب منه و اتمسك بيه و هو حيساعدك و علي فكرة حيساعدك حتي لو انت خاطي. سامحوني لو كنت طولت عليكم لكن كان ندر عليا اني احكي المعجزة

منقولة واللى كتبها هو صاحب المعجزة نفسه فى احدالمنتديات

_________________________
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://jesus.forumpalestine.com
 
ربنا نجانى من الجيش انا واخويا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
يسوع فى قلبى :: ساحة الاعضاء :: منتدى معجزات القديسين والشهداء-
انتقل الى: