برغم كسلى الشديد من الكتابه + ارهاقى قررت اكتب لانى مأجل الموضوع من زمان لانى مش بعرف اكتب او اخرج اللى جوايا بشكل صحيح
بس هقول اللى اقدر اكتبه والموضوع مفتوح للجميع يضيفوا .. أكيد فى أجدر منى بكتير فى الكتابه ,, المهم
الــرقه !!
الصفه الفظيعه اللى انا وغيرى كتير بنعشقها ..
ليه مش بنشوف بنات رقيقه ؟ ليه لازم نلاقى نسبه استرجال حتى ولو بسيطه بس موجودة
ليه الصفه دى اختفت وبقى اللى يتكلم عنها يضحكوا عليه !!
مافيش واحدة تيجى تقولى اصلى اللى بيحصل والمعاكسات والشباب والكلام دة دى صفه بتتوجد فى شخصيتك من ساعه ما تتولدى ..
ليه فى حياتى كلها مشوفتش غير واحدة او اتنين بس تنطبق عليهم الرقه الكامله
ليه مش العكس؟ ليه مش كل البنات رقيقه ونسبه قليله اوى هى اللى مسترجله وشاذه؟
ليه بشوف ولاد اكثر رقه واحساسا عن بنات كتير ؟ ليه البنت بتعيش فى صفات جنس غير نوعها ؟
عارفين طيب الرقه عامله ازاى ؟ انا هقول اللى حاسه :
النبت الرقيقه بتشبه الملاك بالظبط .. رقيقه على طول لا تصطنع .. متعصبه بتزعق بتعيط بتضحك بردو رقيقه
بنات كتير نسألهم عن الرقه بيضحكوا ضحكه معينه تعنى : هو فى رقه دلوقتى يا أهبل ؟
وخلى بالكم الشكل الجميل الذى تنقصه الرقه لا يعنى شئ ولا ليه اى لازمه
بالعكس الرقه ممكن تغطى عيوب كتيرة اوى زى الشكل وحاجات كتير
كتير اوى ننخدع بمظهر بنت جذاب : لبس شيك هدوء جمال يعنى كل ما تتمناه فى انثى ولكن استنى عصبها كدة او نرفزها واتفرج على اللى هايحصل ممكن تكون اللى بتبيع خضار فى الشارع وهدومها مش نضيفه بتتكلم احسن من الشيك دى وأرق منها ..
الرقه مش شكل ولا لبس ولا مظهر خالص .. الرقه نابعه من الروح فكل تصرفات الشخص هتكون رقيقه وجذابه
صدقونى شوفت بنات كتير مش حلوين خالص .. بس جذابين بشكل غير عادى
فى رأيي : البنت اللى مش رقيقه لا تعتبر بنت على رأى قداسه البابا لما هى مش رقيقه فرقت ايه عن الراجل ؟
بل بالعكس فى رجاله كتير مشاعرهم حساسه ورقيقه ..
بشبه البنت الرقيقه بالملاك . ملاك بجد مش لاقى وصف أدق من كدة .. يمكن لانى شوفت ملايكه بس مش كتير .. قليلين اوى .. فــ ليه قليلين ؟؟
فى كلام كتير بس مش عارف .. اللى عنده حاجه يزيعها ويبدع