زوجـــــــين فى المســـــيح

+++++++++++++
زوجـــــــين فى المســـــيح
♠♠♠♠♠♠♠♠♠♠♠♠♠♠♠♠♠♠♠♠♠
يعنى ايه زوجين فى المسيح
+يعنى لو الزوج مش بتاع كنيسه الزوجه بتشجعه انه يروح الكنيسه

+يعنى لو الزوج بيحب خلفت الولاد الزوجه تعوده على كلمه لتكن مشيئه الرب

+ يعنى لو الزوج مش بيصلى الزوجه تقوله يالا بينا نصلى اصلى مش عارفه اصلى وحدى

+ يعنى لو الزوج مبيقراش فى الانجيل زوجته تقوله تعالى فهمنى الجزء ده اصلى مش قاده افهمه هو هيقراه ويحاول يفهمك وبكده انتى خلتيه فتح الانجيل

+ يعنى لو الزوج مبيحبش اكل الصيام زوجته تعمل تشكيله اكل حلوة كل يوم وتخليه يصوم وبكده مش هيزهق من اكل الصوم

+ لو الزوج عصبى شويه زوجته تحاول تهديه وتستحمله

++++++++++++
+ لو الزوجه عندها غيره الزوج يحسسها انها احسن من غيرها من غير اى حاجه عشان مش تغير

+ لو الزوجه حقوديه شويه الزوج يعودها على كلمه الحمد لله اشكرك يارب

+ لو الزوجه بتعامل اولادها بقسوة شويه زوجها يبقى هو حنين

+ لو الزوجه مش قريبه من ابنائها زوجها يلفت انتباهها انها تصاحب ابنائها

+ لو الزوجه مبتحبش حد يزورها زوجها يعودها بطريقه حلوة انها تحب الناس وتحب زياره الناس ليها

+ لو الزوجه عندها موضوع مهم وبتكلم زوجها فيه .. زوجها يعلمها ان تستشير الله اولا

++++++++++
يعنى ايه زوجين فى المسيح ؟
يعنى يعيشوا عيشه صح ... عيشه فيها المسيح ....
يعنى تسامح ومحبه ما بين الزوجين
يعنى تعاون فى كل شئ ما بين الزوجين
يعنى يشاوروا الله فى كل شئ
يعنى اول ما اولادهم يكبروا شويه يعلموهم ازاى يصلوا ويرشموا الصليب
يعنى اول ما اطفالهم يكبروا شويه يحفظوهم الوصايا العشره
يعنى اول ما اولادهم يدخلوا المدرسه يعلموهم المحبه والتسامح
يعنى يعلموا اولادهم الصدق والامانه والصلاه والصوم وقرأة الانجيل

وبكده هيكونوا زوجين فى المسيح عاشوا حياتهم مليئه بالمسيح
وتركوا كل من ابنائهم حياته مليئه بالمسيح
وبذلك عاشوا عيشه صح اتبنت على صخر
وبذلك تكونت اجيال من زوجين فى المسيح

يارب نتعلم وتكون حياتنا كلها مليئه بالمسيح
-------------------------------